اذا معلمة لاتدخلين مانبغى مشاكل<<هههه

طبعاً...انتوا تدرسون...وهدي الفروق بين الطالبه والمعلمه<<طبعا مايحتاج اقول لكم عنها لأنها معروووووووفه بس لإطلاع من لايعرف معاناة الطالبات<خخخخخخخخخخخخخخخ






الفرق بين الأستاذه..والطالبه^_^..

الأستاذه:تصحى من الساعة ثمانيه وتبدأ يومها (بعد الدوش ولا غسيل الوجه) بقذف ملابسها يمنة ويسرة..تبحث عما يليق بيومها الحااااافــــــل كمعلمة..
الطالبه:تصحى من الساااااااعه 6 ونص (بدري... عليها حصص)...وتبدأ يومها بغسل وجهها<<حدّها غسيل وجه ما في وقت تاخذ دوش..مع انها صاحيه بدري بس تبغى تلحق عالطاااابور...
الأستاذه:بعد كل المحاولات(ترسي على بر الأخت المعلمه)وتلبس احمرررررررر<<صارخ

(طبعا من واقعي اللي اعيشه(تنوره جينز ضيييييييييييييييييييقه<<مخنوووقه>>وكلها جيوب وسحّابات اما البلوزهـ..فاللون احمرررر وعليها بعض صور البنات او الأولاد<<على راحتها

الطالبه:بدوووووووون اي تعب او (أمل في الكشخه) تلبس(المريوووول)وما ادراك ما المريول.. مع انه يررررفع الضغط لالون ولاشكل بس احنا يالبنات نحاول نفتح انفسنا شوي ونزيد عليه

موديلاااات من عندنا كمحااااااولة منا اننا نخليه يعطينا دافع معنوي للذهاب للمدرسه..طبعا اللون مايبيلها كلام..يعني رح تلبسي مريول (ليلكي مع اصفر واليد كت او مررره

محفّر<<وييييييين رحتي بخيالك المريول مع انه مايبيله تعريييييف لون كحلي او اذا كنتي ثانوي زيتي او بني<<وااااااع الوان العزاء عند اخواننا المصريين..

بس على كذا ما يكتمل (طفش وقهر اختنا الطالبه اللي منا وفينا)لااااااازم يملّحها ويلزق فيك يعنييييييييييي يحبكـ(شعووور متبادل سبحان الله)وتروحين تعطينه كم بخه(إعلان:إديها

بخّه خخخخخ)وعلى طووول على المرايه<<

نرجع لأمنا المعلمه:وش وش وش وش السيشوار يولع في شعرها..تسوي اعلان للدفاع المدني<<خخخخ

وبعد السيشوار ويلي عالمكياج ماراح اطيل عليكم بس الكحل رايح صوب اذانيها..بينه وبين الأحلَاق(الأقراط باللغة العربيه الفصحى)واحد سنتيمنتر..

والروج احمررررررررررر<<حشا والله لو انها شاااااربه فيمتو

واحمر الخدود عندها اسمه احمر الوجه كاااامل مو بس خدوود..

وتنزل تحت عشان الفطور اللي الشغاله خلصت وجهزته من فتره(ولايفوتكم الساعه ثمانيه ونص الحين عند المعلمه)

ونرجع للطالبه:الساعة سبع الا ربع<<يوووووووووه ياويلي تأخرت وتشوفين الدوووشه في البيت وخواتها يتهاوشون عالمرايه وطبعا هي قاطه معهم..تروح المسيكينه على بالها بتتزين.

وترفع شعرها ذيل حصان سواء(بربطه او شباصه كبيره)أو تسويه جديله<<مسكيييينات

ولون الشباصات طبعا النظام اسود او ابيض او كحلي بس من واقعي مافيه احد يلبس الألوان الأساسيه للدراسه موكفايه المريول؟وعلى طووول بسرررعه تحت عشااان الفطووور

ننقل الكاميرا الى بيت المعلمه:المعلمه على راحتها تفطر(والله ما ادري وش فطورها)وعلى راحتهااااااااااااااااا تقوم وتروح تلبس عبائتها..وعالمدرسه<<رااايقه كأن الساعة باقي خمس الفجر..
الطالبه:فطوووووور أي كلام وبسرررررررررعه عالسياره او الباص هذا اذا مافاتها وراح..

......................في المدرسه....................

والحصه الأولى تبدأ والبناااات من دفتر إلى دفتر(رياضيات..علوم ..قواعد..)وشغلتهم شغله..
والفصل حووووووووووسه الدفاتر مثل الأمطار ينقلون الدفاتر جواً...


اما غرفة المعلمات..
هاهاهاهاهاهاها يوووووووووه شفتي لبسها والله ماعجبني
والثانيه..ابله نوره تتبادلين معي حصتك عشان ابغى أستأذن..
والثالثه..تلقين راسها دااااخل في الكتاب تحضر للدرس<<طبعا هذي المعلمه الوفيه اللتي تندر في هذا الزمان مثل ندرة طائر العقاب أو تنقرض مثل الديناصوراااات..

تمر الحصص الثلاث الاولى..وتجي الفسحه..وما ادراك ما الفسحة..البنات يتجولون في الساحه وبعضهم جالسين يسولفون وهم ياكلون..والمقصف زحمممممممممة<لاتلوموهم البضاعة تفتح النفس..مويه وعصير والبطاطس رااااحت عليه(هذا اذا وجد بطاطس من الاصل)..
والكفتيريا..كل شلة حجزت طاولة وتشوفي التفنن في الغناء والرقص والحش والتقطيع في المعلمات..والهواااش بين كل شلة وشله وبنت وبنت<< والله لو عايشين في شيكاغو هههههههه
نروح للمعلمات وفطورهم..
جالسيييييين حووول الطاوله..ويسولفوا طبعا ماتسلم ولا وحده من الطالبات من تقطيعهم
شفتي فلانه اليوم ماعرفت ترسم الخريطه...(تقولها معلمة الجغرافيا وهي تضحك)طبعا الخريطه اللي مو عااارفه ترسمها المعلمه بحاااالها..
اما الروائح فحدث ولا حرج ريحة البصل والفانيلا(ايش جاب الشمس عند القمر هههههه)
والتونه والقهوة ولا شي حول شي خخخخخخخخخخ

ويرن الجرس معلنا نهاية المُتنَفس الوحيد للبنات..ويجوا المعلمات يصفوا البنااات غصبا بالعصا<<والله لو ابتدائي
وطبعا كل بنت داخله عرض في طابور صديقاتها اللي مو معها في نفس الصف(طبعا كل يوم على وحدهــ)

وامام الطوابير توقف المعلماااااااات واذا شفتي المعلمااات كلهم حاضرين في طابور الفسحه اعرفي ان على الدنيا السلام وانو في تفتيش...(طبعا مو مثل التفتيش اللي عند الأولاد عند البنات يفتشوا عن الالوان المخالفه كأنها رح تثقب ثقب ثاني في الاوزون


طبعا البنات كل وحده تشيل شباصاتها قبل المعلمة تجي وتسحبها على جنب وتعهد..وااااع

المهم تشوفي الخبث في وجوه المعلمات واااااااضح متجلّي
ويجتهدون في تهزيء الطالبه المسيكينه اللي ما تعرف ايش هوه ذنبها وكأن الله حرم الألوان

استغفر الله..الحااااااااصل ان المعلمات يسووا تصفيه شامله على قسم الألوان والمراييل المخاااالفه..او الأحذيه الله يكرمكم .......

وبالنسبة لطوابييييييير البنات المخالفات اللي تمثل نسبة 99,99% من عدد بنات المدرسه
تشوفي الألوان تضفي رونقا رائعا على المكان وكأنك تنظرين إلى قوس قزح <<اموووت على اللغه.....

المهم تاخذ كل وحده تعهد وترجع المياه الى مجاريها والبنات الى فصولهم والمعلمات على وجوههم انوااع الانتصار......(مافيه احد قدها قدرت تخيط ثقب الأوزون)



بعد الصرفه والرجوع للبيوت..المعلمة تروح البيت وتلقى الشغاله حضرت الغداء والاهل جالسين..طبعا تتغدى وتروح تناااااااااااااااام سابع نومه...<<ماعندها شغله))ومافيه شي اسمه اصحي من النوم إلا بعد المغرب..



اما الطالبه ياقلبي تكسر الخاااااطر تتغدى كم لقمه .. وتقوم تبي تروح تنام بس للأسف عليها بكرا اختبارات اكثر منها مافيه..بس راح تنام يعني تنام لازم تقاوم الأفكار الهدامة واللي تعكر عليها صفو النوم((طبعا لاتحسبوا انها رايحه تذاكر من العصر..لأن هذي الحركه مايسووها بنات السعوديه(حفظهم الله)الحركة ذي للدوافير والمصريات بس ..أما السعوديه فعلى الدنيا السلااااااااام..

تقوم بعد المغرب ..نامت..وفلتها اختنا المعلمه..وراااااااااااااااااااايقه ماعندها لاشغله ولا مشغلة..ولاتقولوا عندها تحضير..دفتر التحضير حقها يبقى معها من أول يوم تدريس لحد التقاعد وهو الدفتر نفسه والدروس نفسها..مافيه تعب..


اما الطالبه تقوم بعد المغرب بس للأسف ماكفاها نوم لأنو الغطه اللي اخذتها مصحوبة بالتفكير
بالإختبارت والدروس ..والسوق والمريول اللي باقي رايح تغسله وتكويه..وبنات عمها وخالها وسهرة يوم الخميس((يوم الإفراج))مع انها باقي يوم السبت بس تبغى تريح نفسها شوي..
وتفكر في المستقبل..اللي هو عبارة عن يوم الاربعا والخميس...خخخخخخخخخخخخخ

...تروح تحل واجباتها الساعة 12بالليل وتخلصها الساعه2 بالفجر (باقي تبغى تذاكر الاختبارات).........ويمكن تروح مواصله او تطنش بعض المواد من مبدأ طنش تعش تنتعش...


.......وسلـــــــــــــــــــملـــــــــــــــــــم.........

(كل ذا من واقعي اللي يوميا أعيشه كطالبه سعوديه وتعيشه كل طالبه سعوديه...والا لأ بنات؟؟)واللي عندها اضافه تفضفض عادي .. على مسؤوليتي خخخخخخخ

هههههههههههه يسلمو ع الموضوووووووووووووووع
تقبلو مرووووووري

الجميع يسلمووووووو اسعدني مروركم
شوووق هههههههه هذا الوقع ههههههههه وانا مستحيل اكون مترسه اقصد مدرسه ههههههههه